Kagaz ki Kashti ⛵👦

Woh Kagaz Ki Kashti Wo Barish Ka Pani

 Ye daulat bhi le lo ye shohrat bhi le lo
 Bhale chhin mujhse meri jawani
 Magar mujhko lota de bachpan ka sawan
 Woh kagaz ki kashti wo barish ka pani 
 
 Muhalle ki sabse purani shaan
 Woh bhudhiya jise bache kehte the naani
 Woh naani ki bato me pariyo ka dera
 Woh chehre ki jhuriyo me sadiyo ka khera
 Bhulaye nahi bhul sakta hai koi
 Bhulaye nahi bhul sakta hai koi
 Woh chhoti si raat wo lambi kahani 
 
 Kadi dhup me mai ghar se na niklna
 Woh chidiya wo bulabul wo titliyo ka ghar
 Woh gudiya ki shadi pe ladna jhagdana
 Woh jhulo se girna wo girke sambhalna
 Woh pipal ke chhalo ke pyare se kante
 Woh tuti huyi churiyo ki nishani
 Woh kagaz ki kashti wo barish ka pani 
 
 Kabhi ret ke unche tiilon pe jana
 Gharounde banana banake mitana
 Woh masum chahat ki tasvir apani
 Woh khawabo khilono ki jagir apani
 Na duniya ka gam tha na rishton ke bandhan 
 Badi khubasurat thi woh zindgani